ᐅᐱᔑᑯᑲᐠ ᐊᓂᔑᓂᓂᐊᐧᐠ ᐅᑎᐯᑕᓇᐊᐧ ᒥᓇ ᐅᐱᒧᑐᓇᐊᐧ. ᐅᐁᐧ ᑲᐯᔑᐃᐧᑲᒥᐠ ᐃᔑᑕᑲᐧᐣ ᔕᐊᐧᓄᐠ ᐃᓀᑫ ᓇᓯᐱᐠ ᐅᐱᔑᑯᑲᐠ, ᓂᔭᓄᒥᑕᓇ ᑎᐸᐦᐃᑲᓀᐢ ᐊᐱᓯᓇᑲᐧᐣ ᐊᐧᓂᓇᐊᐧᑲᐠ ᑲᐱᒥᐱᓱᓇᓄᐊᐧᐠ ᐅᑕᐸᓂᐠ.

ᐊᐊᐧᔑᒣ 36 ᑕᓱᔭᑭ ᐊᔕ ᐅᑐᒋᐱᒥᔭᓄᑲᑕᓇᐊᐧ, ᑲᑭᓇ ᑫᑯᓇᐣ ᐊᔭᐊᐧᐣ ᐃᒪ ᑲᐯᔑᐃᐧᑲᒥᑯᐠ ᒋᐅᒋ ᒥᓀᐧᑕᒪᐣ ᒥᓇ ᐯᑕᑫᑕᒪᐣ ᒣᑲᐧᐨ ᐃᒪ ᑕᐃᐧᑲᐯᔑᔭᐣ.

ᐅᒪ ᑲᐯᔑᐃᐧᑲᒥᑯᐠ ᐸᑭᑎᓂᑲᑌ ᑭᔑᑌᐳᑕᒪᑫᐃᐧᐣ ᒥᓇ ᑲᐯᔑᐃᐧᓇᐣ ᐁᐧᑎ ᓄᐱᒪᑲᒥᑲᐠ ᑲᐃᔑᒥᓇᐧᔑᐠ ᐱᑲᐧᑕᑲᒥᑲᐠ.

ᐱᐃᐧᒋᐃᐧᓯᓂᒥᔑᓇᑦ ᐱᑎᑲᒥᐠ ᒥᑎᑯᐊᐧᑲᐦᐃᑲᓂᐠ ᒋᒥᓇᐧᒋᑫᔭᐣ ᑭᐁᐧᑎᓄ ᑭᔑᑌᐳᓇᐣ. ᐱᐊᓀᐧᐱᐣ ᒋᐸᑯᐱᔭᐣ ᑲᑭᔕᑲᒥᑌᐠ ᐊᑯᒧᐃᐧᓂᐠ, ᒪᑐᑲᓂᐠ, ᐊᑲᐧᒋᐠ ᐊᐱᐃᐧᑲᒥᐠ ᒥᓇ ᒋᒪᒥᓀᐧᑕᒪᐣ ᑌᑎᐸᐦᐃ ᐁᔭᔭᐣ ᐱᑲᐧᒋᔭᐦᐃᐠ ᒪᐊᐧᐨ ᐁᒥᓇᐧᔑᐠ.

ᐅᒪ ᑲᐯᔑᐃᐧᑲᒥᑯᐠ ᑕᑭᑌᐸᐡᑭᓀᐊᐧᐠ ᐊᑯᓇᐠ 80 ᐊᐃᐧᔭᐠ (ᒪᑯᐱᓯᑦ ᐊᑯᓇᐠ ᐅᐱᒪᐊᒧᐃᐧᐱᓯᑦ) ᒥᓇ ᑲᒪᒪᐃᐧᓄᐊᐧᐨ ᐊᑯᓇᐠ 30 ᐊᐃᐧᔭᐠ (ᒪᑯᔐᑭᔑᑲᐣᐱᓯᑦ ᐊᑯᓇᐠ ᓂᐦᑭᐱᓯᑦ)

ᒪᐦᑲᐧ ᐅᒋᑕᒪᑫ ᒪᐊᐧᐨ ᐁᒥᓇᐧᔑᐠ ᑲᐃᔑᓇᐧᑲᐠ ᐱᑲᐧᑕᑭᐠ ᐯᑭᐡ ᐅᐡᑭ ᐊᐸᒋᑕᑲᓂ ᑫᑯᓇᐣ ᒥᓇᐊᐧ ᐃᔕᔭᐣ ᒥᑐᓂ ᒋᒥᓄᓭᐠ ᑭᑭᐅᑌᐃᐧᐣ.

ᒪᐦᑲᐧ ᐅᐊᐧᐡ ᐃᓂᑯᑯᓴᑲ ᒪᐊᐧᒋᐦᐃᑐᐃᐧᑲᒥᐠ ᒋᑌᐸᐱᐊᐧᐨ ᐊᑯᓇᐠ 40 ᐊᐃᐧᔭᐠ. ᐅᐁᐧ ᒥᑎᑯᐊᐧᑲᐦᐃᑲᐣ ᐅᒋᑕᒪᑫᒪᑲᐣ

ᒧᒋᐸᑭᑎᓂᑲᑌ ᑲᐧᐱ ᒥᓇ ᔑᐊᐧᐳ ᑲᒪᐊᐧᒋᐦᐃᑎᓇᓂᐊᐧᐠ ᐁᑲᐧ ᒥᓇ ᐊᔑᐨ:

• ᐊᑲᐧᒋᐠ ᐊᐱᐃᐧᑲᒥᐠ ᒥᓇ ᒪᑐᑲᓂᐠ ᑫᑕᔑᐸᐱᑭᓯ ᐅᑲᐧᐱᐦᐃᑐᐊᐧᐨ ᑲᒪᐊᐧᒋᐦᐃᑐᐊᐧᐨ
• ᐊᑲᐧᒋᐠ ᐳᑕᐁᐧᐃᐧᐣ
• ᑲᐃᐧᐣ ᑲᑎᐸᐦᐊᐣ ᒪᒪᑕᐊᐧᐱᐠ ᑲᐅᒋᐊᓄᑭᒪᑲᐠ
• ᐊᓄᑭᐃᐧᑲᒥᐠ ᐊᔭᒪᑲᐣ ᒪᒪᑕᐊᐧᐱᐠ ᑲᒪᓯᓇᑌᓭᐠ ᒥᓇ ᐯᐸᐣ ᓇᐸᓯᓇᐦᐃᑫᐃᐧᐣ
• ᒪᒋᑭᑐᐃᐧᐣ ᑕᑲᐧᐣ ᒥᓇ ᑲᑲᓇᐁᐧᒋᑭᑐᐃᐧᓀᐨ ᐊᔭ
• 58 ᑲᐃᑲᐧᐠ ᑎᐱᒪᓯᓇᑌᓯᒋᑲᐣ ᒥᓇ ᒪᓯᓇᑌᓯᒋᑲᓇᐣ ᒥᓇ ᑲᔭᐱᒋᑕᑯᒧᒋᑲᑌᐠ ᐊᔭᒪᑲᐣ
• ᒪᓯᓇᑌᓯᒋᑫᐃᐧᐣ ᒥᓇ ᒐᑲᑌᓯᒋᑲᐣ
• ᐯᐸᓄ ᓇᐸᓯᓇᐦᐃᑫᐃᐧᐣ
• ᑭᒋᐯᐸᓄᐣ ᑲᐃᔑᒪᒪᓯᓇᐦᐃᑲᓂᐊᐧᐠ ᒥᓇ ᒪᓯᓇᐦᐃᑲᓇᑎᑯᐣ
• ᓂᑲᐣ ᑲᐊᑐᒋᑲᑌᐠ ᒥᒋᒪᐣ ᒥᓇ ᑫᑯᓀᐣ ᐃᓇᐣᒋᑫᐃᐧᐣ ᑲᓇᑕᐁᐧᑕᐠ ᑕᑲᐧᐣ